Жас ғалымдар кеңесі

"Қазақ технология және бизнес университеті" АҚ жас ғалымдар кеңесі университеттің кеңесші органы құқығында жұмыс істейтін үйлестіру-консультативтік ғылыми бірлестік болып табылады.

Жас ғалымдар кеңесі өз қызметін өзін-өзі басқару, қызметтің ашық сипаты, өзара құрмет рухы және ғылыми қарым-қатынас мәдениеті қағидаттарында жүзеге асырады. Кеңес 35 жасқа дейінгі жас зерттеушілерден университеттің штаттық оқытушылар құрамы мен қызметкерлерінен құрылады.

Жас ғалымдар кеңесі қызметінің мақсаты жас ғалымдардың шығармашылық қабілеттерін ашу, осы негізде ҚазТБУ зияткерлік әлеуетін сақтау және толықтыру, кафедралардың ғылыми-зерттеу жұмыстарын ұйымдастыру бойынша қызметін ынталандыру, ғылыми қоғамдастықтағы ұрпақтар сабақтастығын қамтамасыз ету, ғылым мен білім беруді интеграциялауды одан әрі дамыту, сондай-ақ университеттің ғылыми мектептерін дамытуға жан-жақты жәрдемдесу үшін жағдай жасау болып табылады.