Шетел азаматтарын қабылдау

Шетелдік азаматтарды қабылдау ережелері:

10 маусым мен 25 тамыз аралығында – өтінімдерді қабылдау

25 тамыз – оқуға түсу және оқу келісім-шартын жасау

Сұхбат форматындағы шығармашылық емтихан:

Өтініш беру мерзімі 20 маусым – 7 шілде;

Әңгімелесу күндері 8-13 шілде.

ҚазТБУ-ға оқуға қабылдану үшін шетел азаматтары келесі құжаттарды ұсынуы керек:

Өтініш;

Білімі туралы құжаттың түпнұсқасы және оның қосымшасы;

Білімі туралы құжаттың және оған қосымшалардың мемлекеттік немесе орыс тіліне аударылған және Қазақстан Республикасының аумағындағы нотариус куәландырған нотариалды куәландырылған көшірмелері, 2 дана;

Жеке басты куәландыратын құжаттың мемлекеттік немесе орыс тілдеріндегі аудармасы бар құжаттың нотариалды куәландырылған көшірмесі (Қазақстан Республикасының аумағындағы нотариус куәландырған аудармасы 3 данада ұсынылады);

TOEFL шет тілі емтиханын тапсырғаны туралы сертификаттың көшірмесі, шекті балл – 560 кем емес; IELTS, шекті балл – кемінде 6,0 (ағылшын тілі) (бар болса);

білім туралы құжаттың нострификациялау арқылы танылған растайтын куәлік;

№ 075 медициналық анықтама және флюорографиялық анықтама;

Қазақстан Республикасының ЖСН;

3х4 см өлшемді фотосурет- 8 дана.

Құжаттар ағымдағы оқу жылының 25 тамызына дейін қабылданады.

Құжаттарды нострификациялау рәсімінен қалай өтуге болады?

Шетелдік білім беру ұйымдары берген білім туралы құжаттар заңнамада белгіленген тәртіппен нострификациялау рәсімінен өтеді.

Білім туралы құжаттарды нострификациялауарқылы тану туралы өтініш берген кезде орталыққа/ХҚО-ға мынадай құжаттар қоса беріледі:

Білім туралы құжаттарды тану туралы өтініш;

Білімі туралы құжаттың және оның қосымшасының мемлекеттік немесе орыс тіліндегі аудармасы бар және Қазақстан Республикасының аумағындағы нотариус куәландырған білім туралы құжаттың нотариалды куәландырылған көшірмелері;

Жеке басын куәландыратын құжат, мемлекеттік немесе орыс тілдеріндегі аудармасы бар құжаттың нотариалды куәландырылған көшірмесі (аударманы Қазақстан Республикасының аумағындағы нотариус куәландыруы керек);

Уәкілетті өкілдің жеке басын куәландыратын құжат (сәйкестендіру үшін) және өкілдік ету құқығын куәландыратын құжат – көрсетілетін қызметті алушының өкілі хабарласқан кезде;

Төлем туралы түбіртек.

Әңгімелесуден сәтті өткен, қазақ, орыс тілдерінде оқитын және тікелей келісім-шартқа сәйкес ақылы негізде қабылданған ББ-на түсетін шетелдік азаматтарды қабылдау ағымдағы оқу жылының 10 тамызы мен 25 тамызы аралығында жүргізіледі.

Келушілер мен шетелдік білім алушыларды орналастыру үшін университетте Студенттік жатақхана бар. Жатақханалардағы орындарды факультет декандары білім алушыларға орын беру тәртібі туралы бекітілген Ережеге және Қ. Құлажанов атындағы ҚазТБУ студенттік жатақханаларында тұру қағидаларына сәйкес береді.

Қосымша ақпаратты мына сілтеме бойынша алуға болады: https://www.kazutb.kz/ru/obuchenie/prozhivanie  

Қазақстан Республикасының аумағына келгеннен кейін шетелдік студент шекарадан өткеннен кейін 5 күн ішінде Астана қаласы полиция департаментінің миграциялық қызметі басқармасында миграция есебіне қойылуы тиіс.  

Ол үшін Қ. Құлажанов атындағы ҚазТБУ халықаралық ынтымақтастық және академиялық ұтқырлық бөліміне (№1 блок, 6 қабат, 603/1 кабинет) осы құжаттарды кейіннен Астана қаласының миграциялық полициясы басқармасына жүгіну үшін ұсыну қажет:

•    Қазақстан Республикасына келуге және болуға    визасы бар шетелдік студенттің жеке басын куәландыратын жарамды құжат (паспорт). Визасыз болу туралы келісімге қол қойылған елдердің азаматтары үшін виза талап етілмейді;

•    Қазақстан Республикасы Ұлттық қауіпсіздік    комитеті Шекара қызметінің лауазымды адамдары мемлекеттік шекара арқылы өткізу пункттерінде беретін Қазақстан Республикасының шекарасынан өту туралы белгісі бар минграциялық карточкасын;

•    тіркеу туралы өтініш (сол жерде толтырылады).        

ОӘК тіркеу мерзімін ұзарту үшін шетелдік студент мерзім аяқталғанға дейін бір ай бұрын

Қ. Құлажанов атындағы ҚазТБУ халықаралық ынтымақтастық және академиялық ұтқырлық бөліміне жүгінуі тиіс.