Ауыстыру, қалпына келтіру және шығару

Жазғы семестр университеттегі оқу процесінің құрамдас бөлігі болып табылады және: қосымша оқыту; пән бойынша академиялық берешекті жою; студенттерді ЖОО-дан ЖОО-ға, бір мамандықтан (білім беру бағдарламасынан) екіншісіне ауыстыру, студенттерді қайта қабылдау кезінде оқу жоспарларындағы айырмашылықтарды жою мақсатында ұйымдастырылады.

Жазғы семестр бітіруші курсты қоспағанда, білім берудің барлық деңгейлеріндегі білім алушылар үшін ақылы негізде ұйымдастырылады.

Жазғы семестрдің ұзақтығы-6 аптадан кем емес; бұл ретте пән толық көлемде оқытылады.

Бір жазғы семестрге 15 кредиттен артық емес өтінім беруге рұқсат етіледі. Жазғы семестрден (кредиттерден) өту үшін ақы төленгеннен кейін білім алушы Жазғы семестр басталғанға дейін СҚКО-дағы пәндерге жеке тіркеледі

Курс бағдарламасын толық көлемде орындаған, бірақ өту балының ең төменгі шамасын жинай алмаған білім алушыға өзінің үлгерімінің орташа балын (GPA) арттыру мақсатында жазғы семестрде жекелеген пәндерді ақылы негізде қайта оқуға және олар бойынша емтихандарды қайта тапсыруға мүмкіндік беріледі.

Жазғы семестрде оқуға келесі санаттағы білім алушылардың құқығы бар: - өткен оқу кезеңі үшін академиялық қарызы бар, соның ішінде емтиханға себепсіз келмеген; - оқуға қайта қабылдану, ауысу, академиялық демалыстан қайту кезінде академиялық айырмашылығы бар; - қосымша оқуға ниет білдіргендер; - курсқа қайта қабылданғысы келетіндер.

Қосымша оқудан өту үшін жазғы семестрге академиялық қарыздарсыз келесі курсқа ауыстырылған білім алушылардың құқығы бар, бұл ретте білім алушыларға қосымша оқытылатын пәндер саны GPA деңгейіне байланысты айқындалады .

Білім алушыға мынадай талаптарды ескере отырып, жазғы семестрде қосымша курстардан өту құқығы беріледі: - білім алушылар академиялық қарыздарсыз келесі курсқа ауыстырылуы тиіс; - қосымша оқу курстарының саны білім алушының жылдық GPA деңгейімен айқындалады, GPA неғұрлым жоғары болса, соғұрлым ол қосымша курстарды мәлімдей алады, бірақ белгіленген шкаладан аспайды

Жазғы семестрде оқу жетістіктерін бақылаудың келесі түрлері қолданылады: үлгерімді ағымдық, межелік бақылау, ауызша емтихан нысанындағы аралық аттестаттау.

Жазғы семестрде білім алушылардың оқу жетістіктері оқу жетістіктерін бағалаудың балдық-рейтингтік әріптік жүйесі бойынша бағаланады

Басқа ЖОО-дан немесе білім беру бағдарламасынан университетке ауысу немесе қайта қабылдау рәсімі үшін білім алушы СҚКО-ға университеттің бірінші басшысының атына өтініш береді.

Білім алушы өтінішпен бірге мынадай құжаттарды ұсынуы тиіс:

- жеке куәліктің көшірмесі;

- транскрипт;

- білім беру гранты иегері куәлігінің көшірмесі;

- ҰБТ сертификатының көшірмесі (шығармашылық ББ-дан аударған кезде);

- оқыған ЖОО лицензияларының көшірмелері;

- бұрын оқыған ЖОО басшысының атына жазылған өтініштің көшірмесі (басшының қолымен және мөрімен);

- формальды және формальды емес білім берудің оқыту нәтижелерін тану туралы бейінді комиссия отырысының хаттамасы .

Білім алушыны шетелдік білім беру ұйымынан ауыстыру немесе қайта қабылдау кезінде өтінішке мынадай құжаттар қоса беріледі:

- жеке куәлік/төлқұжат көшірмесі;

- меңгерілген оқу бағдарламалары туралы құжат (транскрипт);

- оқыған ЖОО лицензияларының көшірмелері:

бейіндік комиссия отырысының оқу нәтижелерін тану және пәндерді қайта есепке алу, Оқу айырмасын айқындау туралы хаттамасы;

алдыңғы білім деңгейін аяқтағаны туралы құжат.

Бұл ретте, егер алдыңғы білім шетелдік білім беру ұйымында алынса, Білім туралы құжаттарды тану және нострификациялау қағидаларында белгіленген тәртіппен Қазақстан Республикасында нострификациялау рәсімінен өту қажет

Өтініш және білім алушыларға ұсынылған құжаттар негізінде:

- бейіндік комиссия білім беру бағдарламасына сәйкес игерілген кредиттерді қайта есептейді, транскрипте көрсетілген білім алушының алдыңғы академиялық кезеңдерде оқыған пәндерінің академиялық айырмашылығын анықтайды және игерілген пререквизиттерге сәйкес оқу курсын белгілейді;

- факультет деканы, ОӘЖ жөніндегі проректор, СҚКО бұрыштамаларына сәйкес білім алушыны ауыстыру туралы ҚазТБУ ректорының бұйрығын шығарады.

ҚазТБУ СҚКО қызметкері білім алушыны ауыстыру туралы бұйрықтың негізінде ауысу тәртібімен қабылдау туралы бұйрықтан үзінді және білім алушы бұрын оқыған ЖОО-ға сұрау жібереді.

Білім алушы бұрын оқыған ЖОО өзінің жеке ісін жіберу туралы жазбаша сұрау салуды алған күннен бастап үш жұмыс күні ішінде білім алушының жеке ісін ҚазТБУ-ға жібереді.

Білім беру гранты негізінде білім алушыны ЖОО-дан ҚазТБУ-ға ауыстыру кезінде СҚКО ҚР БҒМ ЖЖБҰ-ға және тиісті бюджеттік бағдарлама әкімшісіне ЖОО-ны қаржыландыру көлемін түзету үшін білім алушыны қабылдау туралы бұйрықтың көшірмесін оның атына жазылған білім беру гранты куәлігінің көшірмесімен бірге ұсынады.

Білім алушыларды ақылы негізде оқуға басқа ЖОО-дан ҚазТБУ-ға ауыстыру білім алушылар мен ҚазТБУ арасында білім беру қызметтерін көрсетуге шарт жасасумен сүйемелденеді.

1-3 курсқа: білім алушыны ауыстыру/қайта қабылдау тиісті курсқа жүзеге асырылады, бұл ретте оқу жоспарындағы айырмашылық 25 кредиттен аспауы тиіс, олай болмаған жағдайда ауыстыру /қайта қабылдау төмен курсқа жүзеге асырылады.

Білім алушыны университеттен басқа ЖОО-ға ауыстыру рәсімі мынадай тәртіппен жүзеге асырылады:

1) ҚазТБУ-дан басқа ЖОО-ға ауысқысы келетін білім алушы университеттің бірінші басшысының атына ауысу туралы белгіленген үлгідегі өтініш береді және ауысуға мөрмен бекітілген келісім алып, өзін қызықтыратын ЖОО басшысына жүгінеді.

2) қабылдаушы ЖОО басшысының атына жазылған ауысу туралы өтінішке университет ректоры, тіркеуші кеңсесі, СҚКО басшысы қол қойған, мөрмен бекітілген транскрипт көшірмесі, білім беру гранты иегері куәлігінің көшірмесі, университет ректорының атына жазылған өтініштің көшірмесі (ректордың қолы және мөрі қойылған) қоса беріледі.

Білім алушы ауысатын ЖОО ректоры өтінішті алған күннен бастап үш жұмыс күні ішінде "ҚазТБУ" АҚ-ға оның жеке ісін жіберу туралы жазбаша сұрау жолдайды;

"ҚазТБУ" АҚ СҚКО осындай сұратуды алғаннан кейін ректордың "(ЖОО атауы) ауысуына байланысты оқудан шығарылды" деген мазмұндағы оқудан шығару туралы бұйрығын шығарады және бұйрық шыққан күннен бастап үш жұмыс күні ішінде білім алушының жеке ісін қабылдаушы ЖОО-ның мекенжайына жібереді.

Білім алушы оқыған "ҚазТБУ" АҚ-да сұрау салудың көшірмесі, сертификаттың, куәліктің көшірмесі (егер бар болса), транскрипт, аудармаға байланысты оқудан шығару туралы бұйрықтың көшірмесі және кету парағы, алдыңғы білімі құжаттарының көшірмелері, жеке куәлігінің көшірмелері жеке ісінде қалады.