Оқу-әдістемелік басқарма

Оқу-әдістемелік бөлімі (ОӘБ) университеттің оқу үдерісін ұйымдастыру мен басқаруына жауап беретін оқу-әдістемелік жұмысы жөніндегі проректорына тікелей бағынатын бөлім болып табылады.

ОӘБ қызметкерлері өз қызметін жүзеге асыру барысында басшылыққа алады:

Қазақстан Республикасының Конституциясы;

Қазақстан Республикасының еңбек кодексі;

«Білім туралы» ҚР Заңы;

«Ғылым туралы» ҚР Заңы;

Жоғары және жоғары оқу орнынан кейінгі білім берудің білім беру бағдарламаларын іске асыратын білім беру ұйымдары қызметінің үлгілік ережелері;

Қазақстан Республикасының жоғары оқу орнынан кейінгі білімнің мемлекеттік жалпыға міндетті стандарты;

Білім беру қызметіне қойылатын біліктілік талаптары және оларға сәйкестігін растайтын құжаттар тізімі;

Оқу-әдістемелік және ғылыми-әдістемелік жұмыстарды ұйымдастыру және жүзеге асыру ережелері;

«ҚазТБУ» АҚ стратегиялық даму жоспары;

Ішкі еңбек тәртібінің ережелері;

«ҚазТБУ» АҚ академиялық саясаты.

Мақсаты және міндеті:

Оқу-әдістемелік бөлімінің мақсаты университеттегі оқу процесін тиімді жоспарлап,прогрессивті технологияларды пайдалану арқылы сапалы білім беруді ұйымдастырып, оқу процесін жүзеге асыруды бақылау.

Негізгі міндеттерге сәйкес ОӘБ келесі функцияларды атқарады:

университеттің оқу процесін ұйымдастырады және оның жүзеге асырылуын бақылайды, оқу жылына оқу күнтізбелерін жасайды және бекітеді;

білім берудің кредиттік технологиясының және еңбек нарығының талаптарын ескере отырып, оқу бағдарламаларын, жұмыс оқу жоспарларын, пәндердің оқу-әдістемелік қамтамасыз етілуін, элективті пәндер каталогтарын әзірлеу бойынша факультеттердің, кафедралардың қызметтерін үйлестіру;

білім алушылардың барлық жұмыс түрлерін ұйымдастыру, бақылау және әдістемелік қамтамасыз ету жүйесін жетілдіру;

профессорлық-педагогикалық ұжымға оқу-әдістемелік мәселелер бойынша кеңес беру;

оқу жылына оқу жүктемесін жоспарлайды және оның кафедралармен орындалуын бақылайды, сағаттық қордың тиімді пайдаланылуына жауап береді, оқу жылы ішінде оқу жүктемесінің орындалуына талдау жасайды;

оқу жүктемесі негізінде персоналды басқару мен есеп бөлімімен бірлесе отырып университеттің профессорлық-оқытушылық құрамы жоспарын жасайды;

университет оқытушыларының жеке жоспарларының дайындалуы мен орындалуын қадағалайды;

аудиториялық қордың бөлінуін есепке алуды және үйлестіруді жүргізеді, оқу сабақтарының, аралық және қорытынды аттестацияның кестелерін жасайды және орындалуын бақылайды;

қорытынды аттестаттау комиссияларының жұмысын үйлестіреді;

білім беру үрерісінде оқытудың әртүрлі нысандары мен әдістерін қолданудың тиімділігіне талдау жасайды;

білім беру процесін жетілдіру бойынша ұсыныстарды қалыптастырады және мамандарды дайындау сапасын бағалаудың ғылыми-дәлелді критерийлерін енгізеді;

білім беру бағдарламаларына лицензия алуға өтінімді дайындау және ресімдеу процесін үйлестіру, білім беру бағдарламасы туралы мәліметтерді ЖБББЖ (жоғары білімді басқарудың бірыңғай жүйесі) енгізу.