Жоғары және жоғары оқу орнынан кейінгі білім комитеті «Жоғары оқу орнының үздік оқытушысы» байқауы бойынша келесіні хабарлайды.
«Жоғары оқу орнының үздік оқытушысы» байқауы туралы қағида» Қазақстан Республикасы Білім және ғылым министрінің міндетін атқарушының 2015 жылғы 16 наурыздағы № 124 бұйрығымен бекітілген. «Үздік ғылыми қызметкер» атағының иегерлері соңғы он жылда аталған байқауға қатыспайды.
Байқауға қатысу үшін жоғары және (немесе) жоғары оқу орнынан кейінгі білім беру ұйымдарының штаттық оқытушылары қатарынан үміткерлер өз құжаттарын Қазақстан Республикасы Ғылым және жоғары білім министрлігінің Ақпараттық жүйесі арқылы тапсырады.
Байқаудың I кезеңі 2024 жылдың 1 қарашасынан басталып, 2024 жылдың 11 қарашасына дейін жалғасады.
Байқаудың I кезеңіне қатысу үшін ЖОО-ның штаттық оқытушылары қатарынан үміткерлер Қазақстан Республикасы Ғылым және жоғары білім министрлігінің ақпараттық жүйесі арқылы (universitycontest2024.iac.kz.) келесі құжаттарды тапсырады:
- осы Қағидалардың 1-қосымшасына сәйкес «ЖОО-ның үздік оқытушысы» атағын беру байқауына қатысу бойынша үлгідегі өтінім;
- осы Қағидалардың 2-қосымшасына сәйкес сапалық және сандық көрсеткіштерге сәйкес мәліметтер (нақты мерзімі көрсетілген тармақтарды қоспағанда, соңғы 5 жылдағы мәліметтер);
- осы Қағидалардың 3-қосымшасына сәйкес жылдық жұмыс жоспар-кестесі;
- кадрларды есепке алу жеке іс парағы;
- жеке басын куәландыратын құжаттың көшірмесі;
Байқаудың I кезеңі бойынша апелляция беру мерзімі 12-15 қараша аралығында өткізіледі.
Байқаудың II кезеңі 2024 жылдың 18 қарашасынан басталып, 2024 жылдың 13 желтоқсанына дейін жалғасады.
Сонымен қатар, Қазақстан Республикасы Ғылым және жоғары білім министрлігінің ақпараттық жүйесін қолдану бойынша нұсқаулық universitycontest2024.iac.kz сайтында жарияланатын болады.