Осындай ұранмен Қазақ технология және бизнес университетінің мобильді тобы кәсіптік бағдар берумен Ақмола облысының Ерейментау қаласы мен жақын маңдағы елді мекендерге (Ақжар, Новомарковка, Ақмырза, Торғай, Тайбай, Еркіншілік) аттанды. 2023 жылдың 2-3 наурызында екі жұмыс күні ішінде 9-11 сынып түлектері өз мектептерінде университет өкілдерін қабылдады. Оқушылармен әңгімелесуде университет пен колледждің презентациялары, жоғары оқу орындарына түсу ережелері, және ҰБТ –ға тіркелу-тапсыру мерзімдері, әскери кафедраға түсу шарттары, жатақханада тұру ережелері және т.б. оларды қызықтыратын салалар көрсетілді.