2022 жылдың 5 қыркүйегінде Қазақ технология және бизнес университетінде Қазақстан Республикасыны Президенті Қ.Тоқаевтың 2022 жылдың 1 қыркүйекте «Әділетті мемлекет. Біртұтас ұлт. Берекелі қоғам» атты Қазақстан халқына жолдаған кезекті Жолдауын профессор-оқытушылар құрамы мен қстуденттерге таныстыру және талдау шарасы өтті.
    Жолдауда аталған мәселелермен таныстыру үшін алғашқы сөзді Әлеуметтік-гуманитарлық пәндер кафедрасының профессоры, фил.ғ.к. Мухамбетжан Аблай Жортабаевичке берілді.
    Профессор Мухамбетжан А.Ж. өз баяндамасында биылғы Жолдаудың мән-маңызы айрықша, ауқымы кең және мазмұныда бөлек екенін атап өтті. Жолдаудың негізгі мақсаты «Жаңа Қазақстан» құруға бағытталғанын атап өтті. Соның ішінде Жоғары білім беру мәселесіне, яғни білім сапасы артқан сайын оқу ақысыда өсетініні, жеңілдетілген несие туралы, әлеуметтік тұрғыдан аз қамтылған студенттерге мемлекеттен субсидиялау мүмкіндігі және т.б. көмектер жайлы тоқталып өтті.
    Келесі кезекте осы кафедраның профессоры, фил.ғ.к. Баимбетова Рабиға Кабдуловна орыс тілді студенттер үшін Жолдаудың негізгі мәселелеріне тоқтап өтті.
    Профессор Баимбетова Р.К. Мемлекет басшысы Қ.К.Тоқаев Жолдауда белгіленген міндеттерге қол жеткізу бойынша нақты шаралардың цифрлық көрсеткіштерінің басым болуымен бірте-бірте практикалық сипатқа ие болып жатқанын атап кетті.
    Жолдаумен таныстыру іс-шарасы жоғары деңгейде өтіп, студенттер білім деңгейлерінің сапасын арттыруда, бәсекеге қабілетті жақсы маман болып шығуына көп еңбек ету керектігі туралы мәліметтер алды.