*Қ. Құлажанов атындағы Қазақ технология және бизнес университеті келесі білім беру бағдарламалары бойынша 1 курсқа студенттерді қабылдауды жүзеге асырады: 6в02101 Графикалық дизайн, 6В02102, 6В02103 сән дизайны, 6В02104 Сәулеттік дизайн, 6в04103 Есеп және аудит, 6В04105 Менеджмент, 6в04107 Мемлекеттік және жергілікті басқару, 6В04108 Қаржы, 6в04110 Экономика, 6в05112 Биотехнология , 6в05213 экология, 6в06114 Ақпараттық жүйелер, 6В06115 it-менеджмент, 6в07116 Автоматтандыру және басқару, 6в07117 Органикалық заттардың химиялық технологиясы, 6в07219 Технологиялық машиналар мен жабдықтар, 6в07231 тау-кен дело: физика-химиялық геотехнология, 6В07218 тау-кен дело: пайдалы қазбалар кен орындарын ашық және жерасты игеру, 6в07220 азық-түлік өнімдерінің технологиясы (салалар бойынша), 6в07222 мұнай-газ дело: Мұнай және газ кен орындарын игеру және пайдалану, 6в07223 қайта өңдеу өндірістерінің технологиясы (салалар бойынша), 6В07224 жеңіл өнеркәсіп бұйымдарының технологиясы және конструкциясы, 6в07525 Стандарттау және сертификаттау (салалар бойынша), 6в11126 Мейрамхана дело және қонақ үй бизнесі, 6В11127 Туризм, 6В11128 IT – қызмет көрсету саласындағы технологиялар, 6В11129 Халықаралық туризм, 6В11230 тіршілік қауіпсіздігі және қоршаған ортаны қорғау. Екі дипломдық білім беру жүйесі және магистратура жұмыс істейді. Университетте технология және бизнес саласындағы 13 мамандық бойынша колледж жұмыс істейді. Басқа қалалықтар үшін жатақхананың жаңа ғимараты ұсынылады. Телефондар: +7(7172) 57 88 15, +7 708 425 06 60, +7 701 602 53 53

КазУТБ в СМИ

ВЕРНУТЬСЯ НАЗАД

Қазақ технология және бизнес университеті, «Әлеуметтік-гуманитарлық пәндер» кафедрасы ұйымдастыруымен

25 ақпан сағат күні сағат 14.00 де «Әлеуметтік-гуманитарлық пәндер» кафедрасының ұйымдастыруымен ҚР Президенті Қ.К. Тоқаевтың «Тәуелсіздік бәрінен қымбат» атты мақаласы аясында «Алаш тағылымы және тәуелсіздік» тақырыбында республикалық дөңгелек үстел өткізілді. Дөңгелек үстелге елімізге белгілі тарихшы ғалымдары, алаштанушы ғалымдары, ҚазТБУ мен басқа да ЖОО өкілдері және студенттер қатысты.

Қазақ ұлтын бір мемлекеттің шаңырағына ұйымдастыруды мақсат еткен Алаш қайраткерлерінің бағалы мұраларын болашаққа аманаттау мақсатына орай ұйымдастырылған іс-шараны әлеуметтік-гуманитарлық пәндер кафедрасының қауымд.профессоры, п.ғ.к. Канафиева Күланда Кабылсейтовна жүргізді. ХХ ғасырдың бас кезіндегі тарихи оқиғалардың маңызы мен мәнін жете түсіну әрі оны өскелең ұрпаққа насихаттау барысында Ақтөбе қаласы, Қ.Жұбанов атындағы Ақтөбе өңірлік университеті, Тарих және дінтану кафедрасының профессоры, тарих ғылымдарының докторы, Исмагулов Ұзақбай Шаукерұлы «Алаш қозғалысы және азаттық мәселесі» атты баяндама жасады.

Ш.Ш. Уәлиханов атындағы Тарих және этнология институтының жетекші ғылыми қызметкері, ХХ ғасырдағы Қазақстан тарихы бөлімінің меңгерушісі, тарих ғылымдарының кандидаты Тілеубаев Шамек Баянұлы Алаш зиялыларының 1916 жылғы көтеріліс тұсындағы қызметі жайлы баяндамасын оқыды.

Сонымен қатар, Солтан Мағира Солтанқызы – Қарағанды индустриалдық университетінің «Қазақстан тарихы және әлеуметтік-гуманитарлық пәндер» кафедрасының меңгерушісі сөз сөйлеп, Ұлт көсемі – Әлихан Бөкейханов жайлы дөңгелек үстел қатысушыларымен ой бөлісті. Кафедрамыздың профессоры, философия ғылымдарының кандидаты Мұхамбетжан Абылай Жортабайұлы «Алаш» зиялылары азаматтық ұстаным қадір-қасиеттері хақында терең ой қозғап, өз пікірін ортаға салды. Баяндама соңы дөңгелек үстел қатысушыларымен бірге қызу пікір-таласқа ұласты.

Алаш арыстарының рухын жас ұрпаққа сіңіре отырып ұлтжандылыққа тәрбиелеу мақсатында орын алған іс-шараны «Әлеуметтік-гуманитарлық пәндер» кафедрасының меңгерушісі, филология ғылымдарының кандидаты Алтайбекова Қанағат Тұрсынбайқызы қорытындылады.