Қазақстан Республикасы "Терроризмге қарсы іс-қимыл туралы" Заңының талаптарына сәйкес, террористік тұрғыдан осал объектілердің меншік иелері жыл сайын өз қызметкерлері үшін "терроризмге қарсы қауіпсіздік және терроризмге қарсы іс-қимыл" тақырыбында оқу және ақпараттандыру іс-шарасы өткізіледі.

2022 жылдың 18 мамыр күні сағат 11.00 – де Қазақ технология және бизнес университетінің акт залында антитеррорлық қауіпсіздік бойынша курс өтті. Университет қызметкерлерін жарылғыш құрылғылардың қойылуы мүмкін орындарды анықтау, үй-жайларды тексеру техникасына оқыту және алдын алу бойынша ақпараттандыру іс-шаралары өткізілді. Аталған іс-шараны Қазақстан Республикасының Терроризмге қарсы күш құрылымдары «Антитеррор», ТОО «NS service – Astana» арнайы оқу орнының қызметкері, Жамаев Талғат жүргізді.

Оқу процесінде Қазақстан Республикасының заңнамасына қайшы келмейтін әртүрлі түрдегі терроризмге қарсы қауіпсіздікті қамтамасыз ету жөніндегі оқу-имитациялық материалдар (муляждар, жарылғыш құрылғылардың макеттері) пайдаланылды.

Аумақты және үй-жайларды жарылғыш құрылғылардың ықтимал салынуларынан тазарту, терроризмге қатысы болуы мүмкін адамдарды сыртқы және психологиялық белгілері бойынша анықтау және т. б. бойынша бейнематериалдар көрсетілді.

Іс-шара аяқталғаннан кейін "Қазақ технология және бизнес университетіне" тыңдаушылардың тізімі қоса берілген курсты өткендігі туралы сертификат берілді.