Құрметті Қ. Құлажанов атындағы Қазақ технология және бизнес университетінің бірінші курс студенттері! Сіздерді жоғары оқу орнына түсулеріңізбен шын жүректен құттықтаймыз! Университетіміздің Ақпараттық жүйелер, ІТ-менеджмент, Жасанды интеллект және Автоматтандыру және басқару мамандықтарына 100-ден аса мемлекеттік грант иегері студенттер қабылданды. Бұл сіздердің білім деңгейлеріңіздің жоғары екенін және осы салада үлкен жетістіктерге қол жеткізуге әлеуетіңіз мол екенін көрсетеді.

Жастардың рухы биік, білімді, саналы азамат болуда университет тарапынан топтарға жетекшілік ретінде тағайындалатын кураторлардың рөлі зор. Сондай кураторларымыз бірі – кафедрамыздың тәжірибелі ұстазы, ф.-м.ғ.к., қауым. профессор, МАИН академигі Рыстыгулова Венера Ботабаевна.

Венера Ботабаевна осыған дейін де Жасанды интеллект мамандығының 2-курс, 3-курс топтарына куратор. Биылғы оқу жылында тағы да Жасанды интеллект мамандығына түскен ИИ-241, ИИ-242 топтарына кураторлық жұмысты міндеттеп алды.

1 қыркүйек – Білім күні Венера Ботабаевна ИИ-241, ИИ-242 топ студенттерімен және олардың ата-аналарымен ашық тәрбие сағатын өткізді. Студенттерге Университет құрылымын түсіндіріп, Технологиялық факультетпен, Ақпараттық технологиялар кафедрасымен таныстырды. Ата-аналарға арналған Ректорымыздың Алғыс хаттары таратылды. Оқу процесі, оқытудың кредиттік жүйесі, бағалау жүйесі, Платонус оқу платформасы, Әскери кафедра, оқу ақысын төлеу графигі туралы айтылды. Студенттер мен ата-аналардың сұрақтарына толықққанды жауаптар берілді. Тәрбие сағаты соңында Венера Ботабаевна «Сіздерге біздің Университетте сапалы білім алуға, шығармашылық ізденістер мен жаңа жетістіктерге жетуге барлық жағдай жасалған. Алдағы төрт жыл ішінде сіздер өзіңіздің біліміңізді шыңдап, кәсіби маман ретінде қалыптасуға ұмтыласыздар деп сенеміз. Біз сіздермен мақтанамыз және әрқайсыңызға табысты оқу жылы тілейміз. Алға қойған мақсаттарыңыз орындалып, үлкен белестерді бағындырыңыздар!», - деп студенттерге білім алуға ақ жол тіледі.